دنيز
أورگی قانه دونن پیکری صد پاره دنیز
نه گلیب باشوه ای قیرمزی رخساره دنیز
قوجاقوندا بویودن مردی له ، نامرد هانی؟!
دئین آخ وای نه چوخ اولدی سنه بیچاره دنیز
هانی امّا یتیرن پارچالانان لب لری وه
او سودان کی کسیلیب یول دا علمداره دنیز
آغاران ساچلاریوا آند اولا بیز یاتماميشيق
صبرائديب گؤزلریمیز یولدادی سالاره دنیز
بابک ون هاردا قالیب حقّی دیین شهریارون !؟
یتیرون قانلی سوزی حضرت سرداره دنیز
آغلارام بلکه دولا باده عشق اهلی گینه
اقتدا ایلیه غیرت چاغی کرّاره دنیز
اولديريب لرسنی ختمین دوتاجاقلار هله ده
هانچی رویاده گوروم بیربیله پتیاره دنیز
قاوزانیر دوز گؤیه گویا کی قیامت اولاجاق
گول و بولبل سونه جک ، میلتین آواره دنیز
بیر زمان معدن عشق ازلی دور قوجاقين
دونیب ایندی او گؤزلیک خسینن خاره دنیز
مرداوغولّارون هایاندا قالیب ای چنلّی بلیم !؟
گؤزتیکیب دوشمانیمیزایسته مه لی یاره دنیز
اورگیم قانه دونیب لطف ایله امداده یتیش
صاحب الامر !! دوشيب حالِ بدِ زاره دنیز
نوشته شده توسط عنایت الله قاضی در | 